Toronto: “KONFERANS – GENOSIDA EZIDIYA”

Toronto: “KONFERANS – GENOSIDA EZIDIYA”

Aborî, Nûçe, Sîyasî No Comments on Toronto: “KONFERANS – GENOSIDA EZIDIYA”

13-ê meha  kanûnê 2015-a li dewleta  Kanada bajarê Torontoê  ji alîyê  yektîya “Ezidi Relief Fund”  û “Mala Kurda” konfêransek hat li darxistin.
Mijara  konfêransê :
1. Naskirina gênosîda êzidîya
2.Alîkarîya merivhîzîyê ji bo penabêren êzidîya
Tevî xebatên konfêransê bûn :  serokê  “Mecilîsa Şengalê li dîaspora”  Fikret Igrek, serokê  “Fêdêrasîyona Ezidiyên Fransa”  Tamazê Dasinî, serokê  assosationa “Laliş”  li bajarê Landskrona Swed  Dîndar Mado Şêxanî, akadêmîsîyana Ûnîversîtêta Queen, seroka  yektîya “Anti Genoside International”,endema “United Nations Assosations in Canada”  Kaziwa Salih, seroka  yektîya  “Ezidi Relief Fund” Lûsî Ûsoyan, Farhad Jundî û  Saive Daoud.
Gelek mêvan ji Dewleten Amêrîkae Yekgirtî, Fransa, Almanya, Italîya, Swed, Rusîya, Ermenîstan hatibûne teglîf kirinê, wusa ji  serokê yektîya Asorî- Surîyanî- Kildanîya Medlum Merogî  /Kanada/, serokê “Mala kurda” li Torontoê Çeto Wani, endema  yektîya cihûya  Ilana Shneide /Kanada/.
Konferans ji alîyê Meriwan Kesteyîva hate vekirinê. Ewî razîbûna xwe da hêmû xebatkar û mêvana.
Piştra bi gotera xwe pêşda hat Fikret Igrek, ku ser wan herdu xalên girîng sekinî – naskirina gênosîda êzidîyan, alîkarîya merivhizîyê çawa bighînin  wan penaberên serê çîyayê Şengalê. Vekirina qampa li Sinûnê û Xanesorê, avakirina Şengalê, ku miletê êzidî bikaribe vegere ser cî-warê xwe.
Tamazê Dasinî nava axavtina xweda ser girîngîya  xwesarîya Şengalê  sekinî- û  ew halê xirab, ku penaberên êzidî pêwîstîya alîkarîyêne, him li qampên Başûrê Kurdistanê, him jî li Avropaê .
Doktor Kaziwa Salih ser şirova dokûmêntara xwe sekinî,  ku bi mehan ewê li nava qampên penabera  xebat kiribû, gelek dokument, îzbat, sûret, reportaj berav kiribû  raberî  konfêransê kir.

Dîndar Şexanî nava gotera xweda  ser girîngîya – çawa  qîz û jinên êzidîya ji destê  çetan “Daesh”  derxin, sekinî.
Piştra navberek hate dayînê. Ji alîyê doktorê sazbendîyê Fathî Karakeciliva reqasa “Tawsî melek” û fîlma Hewar  Moradî   ji alîyê mêvanava bi dilgermî hate pêşwazîkirinê.
Pey navberêra bi axavtin pêşda hatin  Farhad Jundî, Saive Daoud, Lûsî Ûsoyan, ku ser girîngya berav kirina  alîkarîya merivhizîyê  çawa bighînin penaberên êzidîya sekinîn.
Encam hate girtinê0 ,ku protokola vê konfêransê tevî daxwaz û peşnnyaran raberî dewleta Kanadaê bikin.

 

Miqala me p'arvekin

0
 

Author

Related Articles

Leave a comment

Tevayî Malperê

Here Serî